مشاكل النت الهوائي في شبكة فودافون
ذكر أحد أصحاب قنوات اليوتيوب
كتب اليوتوبر تامر اللبان
مشكلة تتعلق بما حدث له من شركة النت الهوائي Vodafone Egypt
بما أن فودافون عملت نظام جديد لو معندكش خط ارضي تقدر تقدم علي نت هوائي وقال اليوتوبر المصري تامر اللبان بعد حدوث مشكله في الخط .كتب علي صفحة الرسمية فيسبوك قائلا
انا مش هاشتم ولا حاجة بس انتم عديتم ليفل الالش والكوميديا
انا مشترك في النت الهوائي باقة 200 شهريا وبعد ما الباقة خلصت كلمت خدمة العملاء اعمل ايه عشان اجدد الباقة قال لي اشحنها قلت له ينفع فودافون كاش قال نعم
الجميل ان الخط اللي في الراوتر مينفعش يدخل عليه خدمة الكاش ... حاجة في منتهي البؤس بصراحة
طيب اعمل ايه انا محتاج النت !
شحنت رصيد وطبعا شحنت بـ 400 جنية عشان الضرائب
هوبا الباقة اشتغلت
وبعد 15 يوم فصلت خالص
اتصلت بـ 888 رد على موظف محترم اسمه محمد
ايوة يا افندم
النت الهوائي فاصل
الباقة خلصت يا افندم
لا لسه مخلصتش دا فاصل تماما
طيب ثواني
ايوة يا افندم لسه مخلصتش وليك 14 جيجا
طيب تمام فين المشكلة
ثواني .. بص يا افندم الباقي خلصت
معقول وانا بكلمك استهلكت 14 جيجا ؟
لا يا افندم 14 جيجا دول للواتس فقط
طيب بالله عليك اعمل ايه بـ 14 جيجا واتس ؟
اللي ظاهر قدامي كده يا افندم
طيب بس يا استاذ محمد المفروض ان الباقة مقسومة لوقت الذروة ووقت عدم الذروة
صح يا افندم
طيب شوف ليا بعد 2 ليلا الباقة فيها رصيد ؟
ثواني ... ايوة يا افندم فيها رصيد ووقت الذروة كمان في رصيد الشريحة طلعت غير منشطة هنشطها لك وتشتغل حالا
تمام
كده نشطتها يا افندم خلال نص ساعة تشتغل وانا هتواصل معاك ومش هسيبك الا لما تشتغل
شكرا يا استاذ محمد
بعد نص ساعة اتصال من محمد
ايوة يا استاذ تامر اشتغلت ؟
للاسف لا
طيب هنشطها تاني
كده اشتغلت
لا
طيب معلش كلم 2828
حاضر
الو 2828
معاك يوسف اتفضل
بلا بلا بلا
انت مش مشترك فى باقات يا افندم
نعم؟
انت فعلا الشريحة باسمك ومش مشترك فى باقات خالص
يا استاذ ده الشهر التاني وانا شحنت مرتين على باقة 200
ده اللى ظاهر قدامي يا افندم
طيب اعمل ايه ؟
كلم 888
حاضر
الو يا 888
ايوة يا افندم معاك احمد
بلا بلا بلا
الباقة خلصت يا افندم وعليك فاتورة 517 جنية
:)
ازاي فاتورة 517 جنية وانا على باقة 200
انتم كاتبين ان بعد انتهاء الفاتورة النت يفصل عشان محدش يدفع فلوس زيادة ازاي بقي فاتورة ب 517 جنية
ده اللى مكتوب قدامي يا افندم ؟
طيب ايه الحل ؟
روح اقرب فرع
حاضر
ايوة يا اقرب فرع
بلا بلا بلا
انت مشترك في باقتين 200
يا صلاة النبي يا صلاة النبي من مفيش باقة لباقتين على نفس الخط فى نفس الوقت
ده اللى مكتوب قدامي يا افندم
كل ده غلط وشوف لى حل
ثواني وراح جاب المديرة
المديرة .. انت عليك فاتورة 517 جنية وليك رصيد 275 جنية
نعم
الخط اللى انت مشترك عليه لما حولت له رصيد الباقة اشتغلت بس ما سحبتش الرصيد وليك 275 جنية رصيد
ايوة فاهم يعني المفروض ادفع فرق 517 على 275 صح
ايوة تمام
طيب اعمل ايه دلوقت ؟
كلم 888 وقل لهم يدفعوا 275 اللى فى الرصيد وبعدين ابقي تعالي تاني ادفع باقي 517 جنية
حاضر
وبقالي ساعتين بكلم 888 ويقول لى كل الخطوط مشغولة لحد ما رصيدي خلص من الخط التاني
معايا فوق 2000 فليكس
لكن ازاي
لازم تدفع نص جنية عشان تكلمنا
شحنت بعشرة جنية اداني 7 جنية رصيد
كل الخطوط مشغولة
ثم
عفوا لا يوجد رصيد لديكم
بجد بجد بجد
شكرا فودافون.
انا اعمل فيديو فى القناة عندي واطيركم احسن من وجع القلب ده.